"The Economic Times": Hindistan Rusiyadan “S-400” raket sistemləri alacaq

"The Economic Times": Hindistan Rusiyadan “S-400” raket sistemləri alacaq

 Hindistan hökuməti Rusiyadan 5,43 milyard ABŞ dolları məbləğində “S-400” zenit raket sistemləri satın almağa dair müvafiq saziş imzalamaq niyyətindədir.

“Report” TASS-a istinadən xəbər verir ki, bu barədə “The Economic Times” nəşrinin yaydığı qeyri-rəsmi məlumatda deyilir. Bildirilir ki, həmin qərar Rusiya Prezidenti Vladimir Putinin Nyu-Dehliyə səfəri ərəfəsində hökumətin nəzdindəki Təhlükəsizlik Komitəsinin keçirilən iclasında qəbul olunub.

Bu məlumatın hələlik rəsmi səviyyədə təsdiq olunmadığı da qeyd edilib.