Kölndəki "soyqırım" abidəsi məhkəmə qərarı ilə götürüldü

Almaniyanın Köln şəhərindəki "Erməni soyqırımı" abidəsi ilə bağlı çəkişmədə məhkəmə abidənin götürülməsinin qarşısının alınması üçün edilən müraciəti rədd etdi.

Köln İnzibati Məhkəməsi Reyn çayı kənarına ucaldılmış “soyqırım abidəsinin” götürülməsinin qarşısını almaq üçün icrasının dayandırılması istəyi ilə edilən müraciəti rədd etdi.

Məhkəmə qərara əsas olaraq ictimai yerlərdə abidə ucaldılması üçün lazım olan xüsusi icazənin alınmadığını göstərdi. Qərarda bundan başqa müraciət edən təşəbbüskarın bu istiqamətdə icazə verməyə səlahiyyətli olmadığı bildirildi. Məhkəmə müraciətdəki “fikir azadlığı” əsasını da qəbul etmədi, götürmə qərarı verdi.

Həmin gün götürüldü.

Bələdiyyə rəsmiləri qərardan sonra eyni gün ərzində abidəni götürərək bələdiyyəyə aid bir binaya daşıdı. Sənətkarların əsərlərini bələdiyyədən təslim ala biləcəkləri bildirildi.

Bələdiyyə rəhbərliyi həftə əvvəlindəki açıqlamasında Kölndəki Erməni icmasının 1915-ci il hadisələrində həyatını itirənləri anmaq üçün keçən il abidə ucaltmalarına icazə verildiyinə diqqət çəkmişdi. Açıqlamada 2017-ci ildə Brükdəki Lembaxer qəbiristanlığında abidə ucaldıldığı xatırladıldı.

Tərcümə: Famil Ələkbərov

Mənbə: Ensonhaber