Bu gün kritik əhəmiyyətdə məlumatlar açıqlanacaq

Bu gün ABŞ-da açıqlanacaq məşğulluq göstəriciləri Fed-in İyul ayındakı faiz qərarı üçün kritik əhəmiyyətdədir. 

“Marja” xəbər verir ki, məşğulluq hesabatı, ABŞ Mərkəzi Bankı Fed-in faiz endirməkdən çəkinməsi və ya endirməsi üçün zəmin hazırlaya bilər. 

Qlobal bazarlar, Fed-in Federal Açıq Bazar Komitəsinin (FOMC) bu ay keçirəcəyi iclasda 25 bənd faiz endirəcəyini gözləyir. 25 bəndlik bir faiz endirimi haradasa qətidir, amma 50 bəndlik endirim də ehtimal olunur. Bu vəziyyət Cümə günü, məşğulluq göstəricilərinin proqnozdan çox fərqli çıxması halında sürətli bir şəkildə dəyişə, analitiklərin və investorların fikirlərini yenidən qurmalarına səbəb ola bilər. 

İqtisadçıların proqnozlarına görə, kənd təsərrüfatı xaric məşğulluq artımının İyun ayında 160 min olduğu açıqlanacaqdır (Mayda artım 75 min təşkil etmişdi). İşsizlik nisbətinin 3.6% ilə yarım əsrin ən aşağı səviyyəsində qalması nəzərdə tutulur. Maaşların əvvəlki ayla müqayisə 0.3% və ötən ilin eyni dövrü ilə müqayisədə isə 3.2 faiz artacağı güman edilir. Mayda artımlar aylıq 0,2%, illik isə 3,1% təşkil etmişdi. 

Hesabatın yaxşı çıxması Fed-in gözləmə mövqeyində qalmasına və ABŞ Xəzinə istiqraz faizlərinin yüksəlməsinə səbəb ola bilər. Bunun nəticəsində, investorlar  sağlam əmək bazarına görə daha müsbət iqtisadi vəziyyətə qarşı hərəkət edəcəklər. Digər tərəfdən, göstəricinin pis çıxması Fedin faiz endirəcəyi ehtimalının güclənməsinə və Xəzinə istiqraz faizlərinin daha da düşməsinə  səbəb ola bilər.

Məlumatlar Bakı vaxtı ilə saat 16:30-da açıqlanacaqdır.