Azərbaycan Respublikası Nazirlər Kabineti

Azərbaycan Respublikasının Nazirlər Kabineti— Azərbaycan Respublikasının Prezidentitərəfindən onun icra səlahiyyətlərinin həyata keçirilməsinin təşkili məqsədi ilə yaradılan, öz fəaliyyətində birbaşa Prezidentə tabe və onun qarşısında cavabdeh olan, iş qaydası Prezident tərəfindən müəyyənləşən yuxarı icra orqanıdır.

Nazirlər Kabinetinin tərkibinə Azərbaycan Respublikasının Baş naziri, onun müavinləri, nazirlər və başqa mərkəzi icra hakimiyyəti orqanlarının rəhbərləri daxildir. Onun iclaslarına, bir qayda olaraq, Baş nazir sədrlik edir. Baş nazir isə, öz növbəsində, Milli Məclisin razılığı ilə Prezident tərəfindən təyin edilir.

Ümumi qaydalar müəyyən etdikdə Nazirlər Kabineti qərarlar, başqa məsələlər üzrə sərəncamlar qəbul edir. Nazirlər Kabineti dövlət büdcəsi layihəsini hazırlayıb Prezidentə təqdim edir, dövlət büdcəsi icrasını təmin edir, maliyyə-kredit və pul siyasətinin həyata keçirilməsini təmin edir, dövlət iqtisadi proqramlarının həyata keçirilməsini təmin edir, dövlət sosial təminat proqramlarının həyata keçirilməsini təmin edir, nazirliklərə və digər mərkəzi icra hakimiyyəti orqanlarına rəhbərlik edir, onların aktlarını ləğv edir.

Təsis tarixi

Azərbaycan Respublikasının Nazirlər Kabineti Azərbaycan Respublikasının 7 fevral 1991-ci il tarixli, 50-XII nömrəli Qanunu ilə təsis edilmişdir.

Strukturu

İlk strukturu

Azərbaycan Respublikası Nazirlər Kabinetinin ilk strukturu Azərbaycan Respublikası Ali Sovetinin 22 may 1991-ci il tarixli, 106-XII nömrəli Qərarı ilə təsdiq edilmişdir:

1. Azərbaycan Respublikasının Baş naziri
2. Azərbaycan Respublikası Baş nazirinin 1-ci müavini
3. Azərbaycan Respublikası Baş nazirinin 1-ci müavini
4. Azərbaycan Respublikası Baş nazirinin müavini
5. Azərbaycan Respublikası Baş nazirinin müavini
6. Azərbaycan Respublikası Baş nazirinin müavini — Azərbaycan Respublikası Dövlət İqtisadiyyat və Planlaşdırma Komitəsinin sədri
7. Azərbaycan Respublikasının Daxili İşlər naziri
8. Azərbaycan Respublikasının Səhiyyə naziri
9. Azərbaycan Respublikasının Xarici İşlər naziri
10. Azərbaycan Respublikasının Kənd Təsərrüfatı və Ərzaq naziri
11. Azərbaycan Respublikasının Mədəniyyət naziri
12. Azərbaycan Respublikasının Xalq Təhsili naziri
13. Azərbaycan Respublikasının Meliorasiya və Su Təsərrüfatı naziri
14. Azərbaycan Respublikasının Rabitə naziri
15. Azərbaycan Respublikasının Ticarət naziri
16. Azərbaycan Respublikasının Maliyyə naziri
17. Azərbaycan Respublikasının Taxıl Məhsulları naziri
18. Azərbaycan Respublikasının Ədliyyə naziri
19. Azərbaycan Respublikasının Avtomobil Nəqliyyatı naziri
20. Azərbaycan Respublikasının Mənzil-Kommunal Təsərrüfatı naziri
21. Azərbaycan Respublikasının Yerli Sənaye naziri
22. Azərbaycan Respublikasının Sosial Təminat naziri
23. Azərbaycan Respublikası Dövlət İqtisadiyyat və Planlaşdırma Komitəsinin sədri
24. Azərbaycan Respublikası Dövlət Maddi-Texniki Təchizat Komitəsinin sədri
25. Azərbaycan Respublikası Dövlət Tikinti və Arxitektura Komitəsinin sədri
26. Azərbaycan Respublikası Dövlət Əmək və Sosial Məsələlər Komitəsinin sədri
27. Azərbaycan Respublikası Dövlət Statistika Komitəsinin sədri
28. Azərbaycan Respublikası Dövlət Mətbuat Komitəsinin sədri
29. Azərbaycan Respublikası Dövlət Təbiəti Mühafizə Komitəsinin sədri
30. Azərbaycan Respublikası Dövlət Yanacaq Komitəsinin sədri
31. Azərbaycan Respublikası Daimi Yaşayış Yerlərini Tərk Etmiş Şəxslərlə İş üzrə Dövlət Komitəsinin sədri
32. Azərbaycan Respublikası Dövlət Təhlükəsizliyi Komitəsinin sədri

Hazırki strukturu

1. Baş nazir
2. Baş nazirin 1-ci müavini
3. Baş nazirin müavini
4. Baş nazirin müavini
5. Baş nazirin müavini
6. Baş nazirin müavini
7. Baş nazirin müavini
8. Xarici İşlər Nazirliyi
9. Daxili İşlər Nazirliyi
10. Müdafiə Nazirliyi
11. Ədliyyə Nazirliyi
12. Maliyyə Nazirliyi
13. Vergilər Nazirliyi
14. İqtisadiyyat Nazirliyi
15. Fövqəladə Hallar Nazirliyi
16. Əmək və Əhalinin Sosial Müdafiəsi Nazirliyi
17. Kənd Təsərrüfatı Nazirliyi
18. Mədəniyyət Nazirliyi
19. Təhsil Nazirliyi
20. Səhiyyə Nazirliyi
21. Nəqliyyat , Rabitə və Yüksək Texnologiyalar Nazirliyi
22. Energetika Nazirliyi
23. Gənclər və İdman Nazirliyi
24. Ekologiya və Təbii Sərvətlər Nazirliyi
25. Dövlət Gömrük Komitəsi
26. Dövlət Şəhərsalma və Arxitektura Komitəsi
27. Ailə, Qadın və Uşaq Problemləri üzrə Dövlət Komitəsi
28. Dövlət Statistika Komitəsi
29. Diaspor ilə İş üzrə Dövlət Komitəsi
30. Dini Qurumlarla İş üzrə Dövlət Komitəsi
31. Əmlak Məsələləri Dövlət Komitəsi
32. Qaçqınların və Məcburi Köçkünlərin İşləri üzrə Dövlət Komitəsi
33. Dövlət Dəniz Administrasiyası
34. Dövlət Mülki Aviasiya Administrasiyası
35. Dövlət Təhlükəsizliyi Xidməti
36. Xarici Kəşfiyyat Xidməti
37. Dövlət Miqrasiya Xidməti
38. Dövlət Sərhəd Xidməti
39. Milli Arxiv İdarəsi
40. Səfərbərlik və Hərbi Xidmətə Çağırış üzrə Dövlət Xidməti

Azərbaycan Respublikası Nazirlər Kabinetinin tərkibi

İdarə heyəti

Nazirliklər

Komitələr

Agentliklər

Administrasiyalar

Xidmətlər