Azarkeşləri Bakıdan Tbilisiyə daşımaq üçün əlavə qatar təyin edildi
29 may 2019-cu il tarixində Bakı şəhərində keçiriləcək UEFA Avropa Liqası turnirinin final oyunundan sonra azarkeşlərin Bakıdan Tbilisiyə daşınması məqsədi ilə əlavə qatar təyin edilib. FaktXeber.com-a bu barədə Azərbaycan Dəmir Yolları QSC-nin Mətbuat Xidmətindən bilidirilib.
Məlumatda deyilir ki, 30.05.2019-cu il tarixdə hərəkətdə olan 38/37 nömrəli Bakı-Tbilisi-Bakı sürət qatarından başqa, əlavə 48 nömrəli Bakı-Tbilisi sürət qatarı təyin edilib.
"Qatar Bakıdan 30.05.2019-cu il tarixdə saat 8-00-da Tbilisiyə yola düşəcək. Həmin qatara biletlər dəmir yolunun bilet kassalarında və “online” vasitəsi ilə əldə oluna bilər",- deyə məlumatda əlavə olunub.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət