Türkiyədə turistlər üçün qaynar xətt açıldı

Ens.az xəbər verir ki, Türkiyənin Səhiyyə Nazirliyinin yeni xidməti hər gün 6 dildə 24 saat ərzində təqdim edilir.

Türkiyənin Səhiyyə Nazirliyi tibbi Türkiyə klinikalarında müayinədən keçmək və ya müalicə almaq istəyən turistlər və xarici vətəndaşlara dəstək olmaq üçün yeni xidmətə başladı.

“Beynəlxalq Xəstələrə Dəstək şöbəsi” adlı yeni xidmət 24 saat 6 dildə (ingilis, alman, fransız, rus, fars və ərəb) xidmət göstərir.

Xidməti aktivləşdirmək üçün 0850 288 38 38 saylı mobil nömrəyə zəng etmək kifayətdir, bu nömrəyə olan bütün zənglər pulsuzdur.

“Türkiyədə sağlamlıq problemləri ilə üzləşən və ya Türkiyəyə tibbi turizm məqsədilə gəlmək istəyən istənilən xarici turist yalnız Səhiyyə Nazirliyinin "qaynar xətt"inə (112) deyil, həmçinin 0850 288 38 38 nömrəsinə də müraciət edə bilər. Mərkəzimizdə altı dil üzrə 28 tərcüməçi çalışır”, - Türkiyənin Səhiyyə Nazirliyinin nümayəndəsi Vidjan Akıncı bildirib.

Onun sözlərinə görə, xəstələri yalnız müvafiq klinikaya göndərilmirlər, həmçinin sağlamlıq problemləri barədə məlumat verən həkimlərə bağlayırlar.

Nazirliyin nümayəndəsi qeyd edib ki, 2019-cu ilin əvvəlindən etibarən mərkəzə 31337 zəng gəlib ki, bunun da əsas hissəsi Antalyadakı rus, alman və fransız turistlərindən gəlib.

“Düşünürəm ki, yayın əvvəlindən müraciətlərin sayı artacaq. Biz kədərli hadisələrlə də qarşılaşırıq. Məsələn: Rusiyadan bir turist Türkiyədə ürək tutmasından vəfat etdi və biz ailə üzvlərinin xahişi ilə meyitin doğma ölkəsinə göndərilmənin təşkilinə köməklik göstərdik. Əslən Fransadan bir qadın var idi. Nümayəndələrimiz xəstəxanaya gedərkən yolda onunla ünsiyyətə saxladılar və körpənin ağlamasını eşidənə qədər əlaqədə qaldılar”, - Akıncı bildirib. Anadolu.