Şair Əbülfət - Nə saqisən, yar
Könül məclisində bir sultan kimi
Durubsan qəsdimə nə saqisən, yar!?
Gahdan bir şirinsən, gahdan bir acı,
Gah da heç bilmirəm, nə saqisən, yar!
Xəstəyəm, bu dərdə nəsə qalmışam,
Nə ölüb, nə itib, nə sağalmışam.
Günahkar bir qulam, nəsə qalmışam,
Yetirmə nasaqı, nasaqisən, yar!
Könlüm pərişandı, nə dağı dağdı,
Bimürvət dünyada, nə dağı dağdı.
Əbülfət, yolunda nə dağı dağdı,
Xəstəyəm, dərmanı nə saqisən, yar!
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət