Pxenyan HƏMAS-ın uğurlu taktikasını tətbiq edə bilər

Şimali Koreya HƏMAS qruplaşmasının İsrailə hücumu zamanı istifadə etdiyi taktikadan istifadə edərək qəfil hücuma keçmək versiyasına hazırlaşır.

Ens.az Axar.az-a istinadən xəbər verir ki,  bunu Cənubi Koreyanın Baş Qərargah rəisi Kanq Şin-Çeol bildirib.

Şin-Çeol HƏMAS-ın İsrailə raket, partizan birləşmələri, yük maşınları və motosikletlərlə hücumlarını təhlil etdikdən sonra deyib:

"İlkin dəyərləndirməyə görə, HƏMAS-ın sürpriz əməliyyatı uğurlu alınıb. İsrailin texnikası qısa müddət ərzində minlərlə raket hücumu ilə vurulub".

O qeyd edib ki, İsrailin sərhəd sistemi zərərsizləşdirilib və MOSSAD kimi kəşfiyyat xidməti gözlənilməz hücumu təxmin edə bilməyib.

Onun sözlərinə görə, hücum üsullarının şaxələndirilməsi - HƏMAS taktikasından istifadə edərək gözlənilməz hücum Şimali Koreyanın müraciət edə biləcəyi gözlənilən ssenaridir.

O, təklif edib ki, Şimali Koreya danışıqları gücləndirmək və təşviq etmək üçün sərhəd ərazilərini işğal edə və nəzarətə götürə bilər.