OLED ekranlı smartfonlar artıq 2019-cu ildə bazarda üstünlük təşkil edəcək
Ens.az Ixbt.com resursuna istinadən xəbər verir ki, 2025-ci ilə qədər smartfon bazarında OLED-in payı 73%-ə qalxacaq.
IHS-in növbəti araşdırması onu göstərir ki, artıq növbəti ildə OLED ekranlı smartfonlar LCD ekranla təchiz olunmuş modelləri ikinci sıraya çıxararaq bazarda üstünlük təşkil etməyə başlayacaq.
2016-cı ildə OLED ekranlı smartfonların bazar payı 40,8% idi, 2018-ci ildə o 45,7%-ə qədər qalxıb. Proqnoza görə 2019-cu ildə smartfonların yarısından çoxu (50,7%) OLED ekranla təchiz olunacaq. Pulla ifadədə bu 20,7 milyard dollar təşkil edir. LCD ekranlı smartfonlara bazarın 49,3% payı düşəcək, onların satışından gələn gəlir isə 20,1 milyard dollar təşkil edəcək. Tendensiya saxlanacaq, 2025-ci ilə qədər smartfon bazarında OLED payı 73%-ə qalxacaq.
18,5:9 tərəf münasibətli OLED ekranla təchiz olunmuş modellər daha populyar smartfonlar olacaq ki, onlar da ön panelin 90%-dən çox hissəsini tutacaq.
OLED bazarının 95%-dən çox payına məxsus olan Samsung Display hələlik lider olaraq qalır.
Şərhlər
Şərhləri göstər Şərhləri gizlət