“Mercedes” özünün ilk elektromobilini təqdim etdi

Mercedes-Benz şirkəti rəsmi olaraq özünün ilk seriya elektromobilini - tamamilə elektriklə işləyən EQC 400 krossoverini təqdim etdi.

Gözlənildiyi kimi dünən 4 sentyabr tarixində İsveçrənin Stokholm şəhərində baş tutan tədbirdə Mercedes-Benz özünün ilk elektromobilini (və yeni EQ brendinin ilk modelini) - EQC 400 4MATIC krossoverini təqdim etdi.

Təqdim olunmuş elektromobil tam ötürücüyə malikdir və xəbər verildiyi kimi 408 at gücü və 765nm ümumi faydalı iş əmsalına malik iki asinxron mühərriklə (ön və arxa oxların hər birinə bir ədəd) təchiz olunmuşdur. Mercedes-Benz məlumat verir ki, ilk yüzə elektrokrossover 5,1 saniyəyə sürətlənə bilər.

EQC 80 kilovatt-saat həcmli batareya bloku ilə təchiz olunmuşdur. Qeyd olunur ki, elektromobil sürətli doldurma texnologiyasını dəstəkləyir: iddia edilir ki, beləliklə 110 kilovatt mənbənin köməyi ilə maşını 10%-dən 80%-ə qədər 40 dəqiqəyə doldurmaq olar. Yeniliyin gediş ehtiyatı 450 kilometrə qədər təşkil edir (qeyd olunur ki, bu ilkin göstəricidir).

Vahid şüşə altında yerləşən 10,25 düym ölçülü displey: bir ekran alətlər paneli funksiyasını yerinə yetirir, digəri səs idarəetməli yeni MBUX mediasistemini istifadə edir.

EQC modelinin Almaniyanın Bremendəki zavodundakı istehsalı 2019-cu ildə fəaliyyətə başlayacaq. Mercedes-Benz elektromobilinin qiyməti barədə hələlik məlumat vermir.

Mənbə: Populyarnaya mexanika