Heyli prezidentlik uğrunda seçki yarışını tərk etməyəcəyini bildirib

ABŞ-ın BMT-dəki keçmiş daimi nümayəndəsi Nikki Heyli seçki yarışını tərk etməyəcəyini və Respublikaçılar Partiyasından prezidentliyə namizədliyi uğrunda mübarizəni davam etdirəcəyini bildirib.

Ens.az Bizimyol.info-a istinadən xəbər verir ki,o, bu barədə çərşənbə axşamı Miçiqanda Respublikaçıların ilkin seçkilərinin ilk nəticələri açqlanandan sonra "CNN"ə müsahibəsində deyib.

“Sona qədər mübarizə aparırıq”, deyən Heyli qeyd edib ki, martın 5-də 16 ştatda və ABŞ-ın bir ərazisində - Amerika Samoasında ilkin seçkilərin keçiriləcəyi "Super çərşənbə axşamı"nı səbirsizliklə gözləyir.

"CNN" bildirib ki, bülletenlərin 28%-i sayıldıqdan sonra ABŞ-ın keçmiş prezidenti Donald Tramp Miçiqan ştatında Respublikaçıların praymerizində demək olar ki, 70%-lə qalib gəlib. Heyli indiyədək cəmi 28,1% səs toplayıb.

ABŞ-da prezident seçkiləri noyabrın 5-də keçiriləcək. 25 aprel 2023-cü ildə Demokrat CO Bayden ən yüksək hökumət vəzifəsinə yenidən seçilmək istədiyini açıqlayıb. Tramp 2022-ci ilin noyabrında seçki kampaniyasına qoşulacağını elan edib.