Dünyanın ən varlı 1% insanları 2030-cu ilə qədər qlobal sərvətin üçdə ikisinə nəzarət edəcəklər.
Moneta.az xəbər verir ki, bu barədə Böyük Britaniya parlamentinin hesabatında bildirilir.
Elit təbəqə hazırda dünya sərvətinin 50%-ni idarə edir, lakin bu rəqəm artmaqdadır.
2008-ci il maliyyə böhranından sonrakı trend davam edərsə, ən varlı 1% 12 ildən sonra qlobal sərvətin 64%-nə nəzarət edəcək.
Ən varlı 1%-in sərvəti illik 6% artır. Müqayisə üçün qeyd edək ki, dünya əhalisinin sərvəti illik 3% artır.
Belə davam edərsə, ən varlı 1%-in ümumi sərvəti 305 trilyon dollara çatacaq (2018-ci ildə bu rəqəm 140 trilyon dollardır).
Hesabatın müəllifi Leyboristlər partiyasından millət vəkili Liam Byrne qeyd edib ki,
“Biz iqtisadiyyatımızın işləmə qaydalarını yenidən yazmaq üçün addımlar atmasaq, o zaman qeyri-bərabər gələcək üçün özümüzü qınayacayıq”.
Şərhlər
Şərhləri göstər Şərhləri gizlət