Dünya xəstə atasına baxan bu 6 yaşlı qızdan danışır

Dünya xəstə atasına baxan bu 6 yaşlı qızdan danışır

Çində yaşayan 6 yaşlı Cia Cia adlı qızın hərəkəti bütün dünyaya səs salıb.

İnce.az xarici mediaya istinadən xəbər verir ki, Cianın atası 2016-cı ildə avtomobil qəzasına düşüb və iflic (mərkəzi sinir sitemi- baş beyin və onurğa beyninin və periferik sinir sisteminin hərəki mərkəzlərinin zədələnməsi nəticəsində iradi hərəkətlərin itməsi) olub. Bundan sonra Cianın anası evi tərk edib və Cia özü atasına baxmalı olub.

O, hər gün səhər atasının əzələlərini yarım saat masaj edir, dişlərini fırçalayır, əl-üzünü yuyur və daha sonra dərsə gedir. 

Məktəbdən gəldikdən sonra 40 yaşlı atasına yemək bişirir, yedirdir və gəzməyə kömək edir. Balaca qızın bu hərəkətləri sosial mediada yayılıb və hamı onun atasına qarşı bu münasibətinə heyran olduqlarını bildiriblər.