İstanbulda turistlərin pulunu oğurlayan fırıldaqçılar saxlanıldı
İstanbul polisi nağd pulun saxta olub olmadığını yoxlayarkən turistlərdən pul oğurlamaqda şübhəli bilinən 24 nəfəri saxlayıb.
Ens.az Redaktor.az-a istinadən xəbər verir ki, bu barədə İHA agentliyi məlumat yayıb.
Bildirilib ki, fırıldaqçılar Beyoğlu, Şişli və Fateh kimi məşhur turizm bölgələrində taksi sürücüləri ilə əlbir olublar. Yerli prokurorluğun zərərçəkmişlərin şikayətləri ilə bağlı apardığı araşdırma çərçivəsində hücum edənlərin saxlanılması əməliyyatı 36 ünvanda həyata keçirilib. Prokurorluq 30 nəfərin saxlanmasına icazə verib. Saxlanılan şəxslərin yaşadıqları yerlərdən dövlət qeydiyyatı olmayan odlu silahlar götürülüb.
Hücum edənlər tərəfindən oğurlanan pulların ümumi məbləği və onların milliyyəti barədə məlumat verilmir.
Şərhlər
Şərhləri göstər Şərhləri gizlət