Dubay məktəblərinə sağlamlıq imkanları məhdud uşaqlara dərs vermək üçün pul almaq qadağan edildi

Ens.az xəbər verir ki, Dubay hakimiyyəti əlil uşaqlara dərs vermək üçün özəl məktəblərə əlavə ödəniş tələb etməyi qadağan edən yeni qaydalar qəbul edib.

Elm və İnsan İnkişafı Komitəsinin (KNDA) əvvəlcədən icazəsi olmadan Əmirliyin özəl məktəblərinə əlil uşaqların valideynlərindən ödəniş alınması qadağan edilib.

Bu addım “inklüziv təhsil strategiyasının” bir hissəsidir. Strategiya əlilliyi olan şagirdlər üçün məktəbin məsuliyyətlərini ehtiva edir.

KNDA 2017-ci ildə Dubaydakı bütün özəl məktəblərin əlilliyi olan uşaqlara dərs vermək üçün 100 faiz uyğunlaşdırılmasını təmin edən bir yol xəritəsi qəbul etmişdi. Başqa sözlə, məktəblərə əlilliyi olan uşaqları qəbul etməkdən imtina etmək qadağan edilir və qeyd olunan tarixdən etibarən bu cür şagirdləri bütün lazımi infrastrukturla təmin etməlidirlər.

Bundan əvvəl bir neçə valideyn əlil uşaqlarını qəbul etməkdən imtina edən məktəblərdən şikayətlənmişdilər. Bir çox valideyn hələ də uşağının məktəbə gedə bilməsi üçün əlavə pul ödəyir.

İndi Dubaydakı özəl məktəblər yalnız Komitə ilə müqavilə bağlandıqdan sonra əlil şagirdlərin valideynlərindən əlavə vəsait toplaya bilər.

Valideynlərdən pul yığmaq yalnız belə uşaqlarla işləmək üçün standart proqram çərçivəsində lazımi şərait təmin olunmadıqda həyata keçirilə bilər.

Məktəblər toplanacaq vəsaitin uşağın təhsil prosesini təmin etmək üçün zəruri olan xüsusi infrastruktur hazırlamağa xərcləyəcəyini təsdiqləyən sənədləri valideynlərə və Komissiyaya təqdim etməlidir. Məktəb zəruri xüsusi xidmətlər üçün ərizəni onlayn şəkildə Elm və İnsan İnkişaf Komitəsinə göndərə bilər.

Müəssisə, şagirdi qəbul etməkdən imtina edərsə, bu məktəbin nümayəndələri KHDA-ya açıq bir səbəb göndərməli və cavabdeh qurumun bütün müvafiq bildiriş prosedurlarından keçməlidirlər.

Komitədə həmçinin izah olunub ki, diaqnozun tibbi yoxlaması məktəbə giriş attestasiyasının və ya qəbulun hissəsi ola bilməz

“Məktəb tərəfindən məhdud fiziki imkanlı şagirdin qəbul edilməsindən imtina edildikdə KHDA bildirişinin tələblərinə tam əməl olunmalıdır. Şagirdlərin təlimə müraciət etməzdən əvvəl əlilliyi olan bir şəxs kimi tanınması və ya sonradan belə bir kateqoriyaya aid olub- olmamasından asılı olmayaraq tələblər yerinə yetirilməlidir "KHDA açıqlamasında bildirib.

Elm və İnsan İnkişafı Komitəsi bildirişdə göstərilən məlumatları diqqətlə nəzərdən keçirəcəkdir. Yoxlamanın nəticələrinə əsasən, İdarə Heyətinin Dubay Əmirliyindəki Xüsusi Məktəblərin Tənzimlənməsi haqqında 2017-ci il 2 nömrəli qərarına uyğun olaraq məktəbə sanksiyalar tətbiq edilə bilər.