Bu uşaqlara televizora baxmaq və telefon vermək olmaz - Səbəbi...
Türkiyəli uşaq və yeniyetmə psixiatrı Hozan Saatçıoğlu uşaqların elektron cihazlardan istifadəsi ilə bağlı valideynlərə xəbərdarlıq edib.
Redaktor.az-ın məlumatına görə, psixiatr açıqlamasında qeyd edib ki, uşaqlar 1,5 yaşından sonra ünsiyyət qura bilmir, göz təmasından qaçır və adını çəkəndə reaksiya vermirsə, autizm ehtimalı yarana bilər. Buna görə də 2 yaşdan aşağı uşaqları kompüter və televizordan uzaq tutmaq lazımdır.
Psixiatr bildirib ki, autizm beynin inkişafı ilə bağlı pozuntular nəticəsində yaransa da, dəqiq səbəbi bilinmir:
"Autizmli uşaqlarda eyni hərəkətin tez-tez təkrarlanması və maraqlarını çəkən məsələlərin az olması diqqət çəkən amillərdəndir. Autizmə meylli uşaqlar televizor, mobil telefon, planşet kimi elektron cihazlara daha çox maraq göstərirlər. Uşağınızda autizm xəstəliyinin yaranmamasını istəyirsinizsə, hər dəfə ağlayanda susdurmaq üçün onun əlinə mobil telefon verməyin".
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət