Bu kondisionerlər müasir enerji səmərəliliyi standartlarını üstələyir

O, digər kondisionerlərlə müqayisədə enerjiyə təxminən 20% qənaət edir.

Xiaomi şirkəti rəsmi olaraq yeni Smartmi Air Conditioner A ağıllı kondisionerini təqdim edib. Yenilik fərqli otaq sahəsi üçün iki variantda təklif olunur, bununla yanaşı, istehsalçılar  Smartmi Air Conditioner A-nın müasir enerji səmərəliliyi standartlarını aşdığını iddia edirlər.

TED.az xarici mətbuata istinadən xəbər verir ki, enerji səmərəliliyinin bu səviyyəsi yeni mühərrik sayəsində əldə edilib  və Xiaomi-nin bu kondisioneri aşağı APF dəyərlərinə malik olan digər kondisionerlərlə müqayisədə elektrik enerjisinə təxminən 20% qənaət edir.

Bundan əlavə, Smartmi Air Conditioner A həm də ağıllı kondisionerdir. İstifadəçilər tətbiq vasitəsilə temperatur tənzimləyə və yandırıb-söndürməni  müxtəlif ssenarilərdə həyata keçirə bilərlər, həmçinin yenilikdə səslə idarəetmə də mümkündür.

Smartmi Air Conditioner A kondisionerinin iki modeli 333 və 391 dollara təklif olunur.