Avropa çempionu olan polis işdən çıxarılıb

Avropa çempionu olan polis işdən çıxarılıb

Baş Narkotiklərlə Mübarizə İdarəsinin daha bir əməkdaşı işdən çıxarılıb.

ONA-nın məlumatına görə, Daxili İşlər Nazirliyi (DİN) Baş Narkotiklərlə Mübarizə İdarəsinin şöbə rəisi Qalib Hümbətov tutduğu vəzifədən azad edilib.

Xatırladaq ki, bir neçə gün əvvəl Baş İdarənin rəis müavini, polis polkovniki Fuad Məmmədli də tutduğu vəzifədən azad edilərək sərəncama götürülüb.

ONA-nın əldə etdiyi məlumata görə, DİN-in Baş Narkotiklərlə Mübarizə İdarəsində yoxlamalar aparılıb. Yoxlamalar zamanı bəzi nöqsanlar aşkar edilib. Bu nöqsanlara yol verən bir neçə əməkdaş cəzalandırılıb.

Xatırladaq ki, Qalib Hümbətov sambo üzrə ikiqat Avropa çempionudur.

İşdən çıxarılan rəis müavini Fuad Məmmədli isə sabiq nəqliyyat naziri Ziya Məmmədovun qardaşı oğludur.