Aşıq Musa - Var
Ay ağalar, gəlin sizə söyləyim,
Unutmam, dilimdə bir əzbərim var.
Mən deyim sözümün sağın aşikar,
Açılmış sinəmdə bir dəftərim var.
Gördüm bu dünyanın zövqü səfasın,
Oxudum dərsimi, çıxdım hecasın.
Anladım hürufun məddi-mənasın,
Yerbəyer dərs verən irəhbərim var.
Musayam, sözümün budur mənası,
Hər yana şox salır qəlbin nidası.
Moc verir könlümdə eşqin dəryası,
Coşub dalğalanan bəhrü bərim var.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət