"Apple" yeni televiziya sahəsinə daxil olur - "Samsung" ilə razılaşdı

"Apple" yeni televiziya sahəsinə daxil olur - "Samsung" ilə razılaşdı

"Samsung Electronics" bazar günü etdiyi açıqlamada, şirkət tərəfindən buraxılan ağıllı televizorlarda "Apple" şirkətinə məxsus "iTunes" xidmətinin proqramlarını izləmək üçün tətbiqin yer alacağını qeyd edib.

Fins.az xəbər verir ki, bu da "Apple"ın televiziyalar üçün yeni xidmətlər təklif etməyə başladığını göstərib. Bütün bunlar "Apple" tərəfindən zəif texnoloji məhsulların satışı və doymuş qlobal smartfon bazarına qarşı strategiya dəyişikliyi kimi qəbul olunub.

 

Şirkət Opra Vinfri ilə qarşıdan gələn bir şou da daxil olmaqla orijinal televiziya kontenti üçün bir sıra yüksək səviyyəli sazişlər bağladığını söyləsə də, bunun yayımlanma tarixi haqqında heç bir məlumat verməyib.

Həmçinin, "Apple" musiqi, televiziya və film kimi sahələrlə bərabər "iCloud" depolama kimi işləri əhatə edən xidmətlər seqmentinə getdikcə daha çox diqqət yetirir.