Vilayət Eyvazovdan yeni təyinatlar
Binəqədi Rayon Polis İdarəsinin Təhqiqat şöbəsinin rəisi polis polkovniki Oruc Əmiraslanov vəzifəsindən azad edilərək, Ağsu Rayon Polis Şöbəsinin rəisi təyin edilib.
Ens.az Qafqazinfo.az-a istinadən xəbər verir ki, bu barədə daxili işlər naziri general-polkovnik Vilayət Eyvazov əmr imzalayıb.
O. Əmiraslanov indiyədək bir sıra vəzifələrdə o cümlədən, Tovuz Rayon Polis Şöbəsinin istintaq bölməsinin rəisi, sonradan həmin rayonun polis şöbəsinin rəis müavini vəzifələrində çalışıb.
Nazirin digər əmri ilə Tovuz Rayon Polis Şöbəsinin əməliyyat işi üzrə rəis müavini polis polkovnik-leytenantı Anar Xəlilov vəzifəsindən azad edilərək Hacıqabul Rayon Polis Şöbəsinin rəisi təyin edilib. A. Xəlilov bu günə qədər bir çox vəzifələrdə o cümlədən Masallı Rayon Polis Şöbəsinin İstintaq bölməsinin rəisi və həmin rayonun polis şöbəsinin əməliyyat işi üzrə rəis müavini vəzifələrində xidmət edib.
Şərhlər
Şərhləri göstər Şərhləri gizlət