Dünyada koronavirusun yayılmasının dörd ssenarisi açıqlanıb

Müxtəlif ölkələrdə koronavirus infeksiyasının inkişafı dörd ssenaridə təsvir edilə bilər. Ens.az bildirir ki, bu barədə Ümumdünya Səhiyyə Təşkilatının rəhbəri Tedros Adhan Qebreyesus brifinqdə bildirib.

O, birinci qrupa, hadisənin baş verdiyi haqqında "xəbərdar edilmiş və məlumatlandırılan" Cənub-Şərqi Asiya, Sakit okean, Karib dənizi və Afrika ölkələrini daxil etdi. ÜST başçısının sözlərinə görə, rəhbərləri "vəziyyətə nəzarəti oz əllərinə götürdülər" və bu, əhaliyə görülən tədbirlərin effektli şəkildə çatdırılmasını təmin etdi.

"Avropa" ssenarisində geniş miqyaslı partlama oldu və hakimiyyətin fəaliyyəti, eləcə də əhalinin reaksiyası sayəsində idarə oluna bildi.

Üçüncü ssenari hakimiyyətin məhdudlaşdırıcı tədbirlər tətbiq etdiyi, lakin sonradan bu tədbirlərin zəifləməsi ilə yoluxma hallarının artmasına səbəb olan dövlətlərdədir. Qebreyesus vurğulayıb ki, "bu ölkələr sübut edilmiş tədbirlərə hörmət etmədkləri və ya yerinə yetirmədikləri üçün vəziyyət ürəkaçan deyil" ÜST başçısı bu ssenarinin işlədiyi dövlətlərin adını çəkməyib.

Şimali və Cənubi Amerika, Cənubi Asiya və bəzi Afrika ölkələrini aid etdiyi dördüncü situasiyada  yoluxmaların sayında son dövrlər kəskin artım oldu. Koronavirus pandemiyasının episentri Qebreyesusa görə, şimali və cənubi Amerika olaraq qalır.

Mənbə: ria.ru