Türkiyədə İtaliya kapitallı şirkətlərin sayı 10-u keçib

2023-ci ilin fevral ayında Türkiyədə İtaliya kapitalı ilə 11 şirkət qeydiyyata alınıb ki, bu da 2022-ci ilin eyni dövrü ilə müqayisədə 1 şirkət çoxdur.

Ens.Az-ın məlumatına əsasən,bu barədə TurkicWorld-a Türkiyə Ticarət və Sənaye Palatasından (TOBB) məlumat verilib.

Məlumatda qeyd olunur ki, hesabat dövründə, qeydiyyata alınan İtaliya şirkətlərinin sayının artması ilə yanaşı, onların ümumi kapıtalıda artıb.

“Hesabat dövründə Türkiyədə qeydiyyata alınan İtaliya şirkətlərinin məcmu kapitalı 3,99 milyon türk lirəsi olduğu halda, 2022-ci ilin eyni dövründə bu rəqəm 2,9 min türk lirəsi təşkil edib”-deyə TOBB-dan bildirilib.

TOBB-dan o da qeyd olunub ki, 2023-cü ilin fevral ayında İtaliya şirkətlərinin əksəriyyəti İstanbulda (11) qeydiyyata alınıb.

“İstanbulda qeydiyatdan keçən İtaliya şirkətlərinin ümumi kapitalı 3,99 milyon türk lirəsi təşkil edib” –deyə TOBB-dan bildiriblər.

Qeyd olunub ki, 2023-cü ilin fevral ayında Türkiyədə İtaliya kapitalı ilə 4 topdan və pərakəndə ticarət, 3 istehsal şirkəti qeydə alınıb.

Türkiyədə qeydiyyata alınan İtaliyanın topdan və pərakəndə ticarət şirkətlərinin məcmu kapitalı 760 min türk lirəsi təşkil edib.

Qalan şirkətlər iqtisadiyyatın digər sahələrində iştirak edir.