Tramp ABŞ-dan vətəndaşlarının qayıtmasına mane olan ölkələrə qarşı sanksiyalar barədə qərar imzalayıb

ABŞ prezidenti Donald Tramp pandemiya şəraitində ABŞ-dan vətəndaşlarının qayıtmasına mane olan və ya bu prosesi uzadan ölkələrə qarşı viza sanksiyaları barədə qərar imzalayıb.

Trend-in "TASS"a istinadən verdiyi məlumata görə, bu barədə Ağ Evin mətbuat xidmətindən bildiriblər.

Qərarda bildirilir: "Birləşmiş Ştatlarda olan vətəndaşlarının, təbəələrinin və ya rezidentlərinin SARS-CoV-2 (koronavirus) səbəbilə davam edən pandemiya şəraitində qəbul etməyən və ya əsassız olaraq qəbul prosesini gecikdirən ölkələr amerikalılar üçün ictimai sağlamlıq sahəsində qəbuledilməz təhlükə yaradırlar. Birləşmiş Ştatların ölkə qanunlarını pozan xarici vətəndaşları və təbəələri geri qaytarmağa imkanı olmalıdır".

D.Trampın tapşırığına əsasən, ABŞ-ın daxili təhlükəsizlik naziri belə ölkələrin siyahısını dövlət katibinə təqdim etməlidir. Dövlət katibi isə öz növbəsində siyahını aldıqdan sonra 7 gündən gec olmayaraq, viza sanksiyalarının tətbiqi planını həyata keçirməyə başlamalıdır.

Mənbə: