Toy iştirakçıları cərimə edilməmək üçün hasarın üzərindən qaçdı

Toy iştirakçıları cərimə edilməmək üçün hasarın üzərindən qaçdı

Paytaxtın Xəzər rayonunun Türkan qəsəbəsində xüsusi karantin rejim qaydalarını pozaraq evlərin birində toy mərasiminin keçirilməsi aşkalanıb. 

Ens.az Oxu.az-a istinadən xəbər verir ki, Daxili İşlər Nazirliyinin mətbuat xidmətindən verilən məlumata görə, Xəzər Rayon Polis İdarəsinin əməkdaşları tərəfindən keçirilən tədbirlərlə sanitariya-gigiyena və karantin rejim qaydalarına əməl etməyən mərasimin təşkilatçıları və iştirakçıları barəsində qanunvericiliyə uyğun olaraq müvafiq tədbirlər görülüb.

Onlarla profilaktik söhbətlər aparılıb, karantin qaydalarına əməl etməyin vacibliyi diqqətə çatdırılıb.

Ümumilikdə 28 nəfər barəsində İnzibati Xətalar Məcəlləsinin 211-ci maddəsi (Epidemiya əleyhinə rejimin, sanitariya-gigiyena və karantin rejimlərinin pozulması) ilə protokol tərtib olunmaqla, inzibati tənbeh tədbirləri tətbiq edilib.