TƏBİB-dən “Nikosayağı”nın son durumu barədə AÇIQLAMA

TƏBİB-dən “Nikosayağı”nın son durumu barədə AÇIQLAMA

“Ens.Az” bildirir ki,“bloqer Nicat Şakirlinin vəziyyəti stabildir”. Bu barədə Tibbi Ərazi Bölmələrini İdarəetmə Birliyindən (TƏBİB) Oxu.Az-ın yol-nəqliyyat hadisəsində qolunu itirən bloqerin vəziyyəti ilə bağlı sorğusuna cavab olaraq bildirilib.

 

“TƏBİB-in tabeliyindəki tibb müəssisəsinə yerləşdirilən Nicat Şakirlinin vəziyyəti stabil olaraq qalır. Hazırda həkim nəzarəti altında lazımi müayinə və müalicələri davam etdirilir”.

 

Xatırladaq ki, sosial şəbəkələrdə “Nikosayağı” adı ilə tanınan bloqer Nicat Şakirli qəzaya düşüb. Hadisə Heydər Əliyev prospektində qeydə alınıb. N.Şakirli idarə etdiyi “Porsche” markalı avtomobili ilə TIR-a çırpılıb. Qəza nəticəsində bloqer və avtomobildə olan sərnişin ağır bədən xəsarətləri alaraq xəstəxanaya aparılıblar.