SOCAR-ın işçiləri Laçında qəzaya düşdü
Sentyabr ayının 7-də saat 08:30-da Laçın rayonu Ağanus kəndi ərazisində yol-nəqliyyat hadisəsi baş verib.
Ens.az xəbər verir ki, bu barədə Dövlət Sərhəd Xidməti məlumat yayıb.
Hadisə nəticəsində “Toyota” markalı avtomobildə olan SOCAR PETROLEUM QSC-yə məxsus podratçı şirkətin 3 əməkdaşı – Muxtar Gözəlov, Məhəmməd İbiyev və Anar Qurbanov müxtəlif dərəcəli bədən xəsarətləri alıblar.
Yaralılara ilkin tibbi yardım göstərildikdən dərhal sonra Dövlət Sərhəd Xidmətinin tibbi helikopteri ilə həkimlərin nəzarəti altında Bakı şəhərinə təxliyəsi təmin edilib.
Şərhlər
Şərhləri göstər Şərhləri gizlət