Şəhid ailələrinə bayram sovqatları paylanıldı

Şəhid ailələrinə bayram sovqatları paylanıldı

Novruz bayramı münasibətilə Füzuli rayon İcra Hakimiyyətinin və müvafiq inzibati ərazi dairəsi üzrə nümayəndəliklərin əməkdaşları tərəfindən rayon ərazisində və respublikanın müxtəlif şəhər və rayonlarında məskunlaşan şəhid ailələrinə bayram sovqatları paylanılıb, şəhid ailələrinin Novruz bayramları təbrik edilib. 

“Qafqazinfo” xəbər verir ki, ümumilikdə Füzuli rayonundan olan 700-dək şəhidin varisləri ilə yerində görüşüləcək, onlara bayram sovqatları təqdim ediləcək.

 

Şəhid ailələri bayramla bağlı fikirlərini bildiriblər: “Novruz xalqımızın mədəniyyətini, milli-mənəvi dəyərlərini özündə əks etdirən, dünyaya tanıtdıran qədim el bayramıdır. Ulularımızdan bizə yadigar qalan, milli ruhumuzu və yaddaşımızı bütün zənginliyi ilə özündə əks etdirən Novruz bayramı həm də birlik, bərabərlik, həmrəylik bayramıdır”.