“Sautgempton”un yeni baş məşqçisi müəyyənləşib

“Sautgempton”un yeni baş məşqçisi müəyyənləşib

 İngiltərə Premyer Liqasında çıxış edən “Sautgempton” futbol komandasının yeni baş məşqçisi müəyyənləşib.

“Report” klubun rəsmi saytına istinadən xəbər verir ki, bu posta Ralf Hasenhüttl təyin olunub. 51 yaşlı avstriyalı mütəxəssis uğursuz nəticələr səbəbi ilə istefaya göndərilən Mark Hyuzu əvəzləyib.

Yeni baş məşqçi vəzifəsinin icrasına dekabrın 6-da başlayacaq. R.Hasenhüttlün son iş yeri bu ilin mayında tərk etdiyi Almaniyanın “Leyptsiq” klubu olub.

Qeyd edək ki, “Sautgempton” 14 turdan sonra 9 xalla düşmə zonasında – 18-ci pillədə qərarlaşıb. Komanda bu gün növbəti tur çərçivəsində “Tottenhem”in qonağı olacaq.