“Saudi Arabian Airlines” aviamarşrutlarını dəyişir

“Saudi Arabian Airlines” aviamarşrutlarını dəyişir

 

“Saudi Arabian Airlines” təhlükəsizlik məqsədilə Hörmüz boğazı və Oman körfəzinin üzərindəki İranın nəzarəti altında olan hava məkanında uçuşları dayandırır. 

Bu barədə TASS “Al Arabia” telekanalına istinadla xəbər verir.

Məlumata əsasən, görülən tədbirlər nəticəsində reyslər dayandırılmayacaq, sadəcə olaraq, İranın hava məkanından keçən aviamarşrutlar dəyişdiriləcək.

Xatırladaq ki, İran üzərində ABŞ-a məxsus pilotsuz uçuş aparatı “Global Hawk”ın vurulması ilə bağlı xəbər yayıldıqdan sonra cümə axşamı ABŞ vətəndaş aviasiyasının Federal İdarəsi regionda uçuşların təhlükəsizliyinin təmin edilməsi üzrə öz tövsiyələrini yayıb.