“Samsung” Azərbaycan üçün xüsusi platforma hazırlayacaq

 “Cənubi Koreyanın "Samsung” şirkəti ilə əldə etdiyimiz razılığa əsasən, Azərbaycandakı elektron sənəd dövriyyəsi “Samsung” markalı planşet və digər cihazlara inteqrasiya olunacaq”. 

Bunu “Report”a açıqlamasında Nəqliyyat, Rabitə və Yüksək Texnologiyalar Nazirliyi yanında Məlumat Hesablama Mərkəzinin (MHM) marketinq şöbəsinin müdiri Ceyhun Məmmədov deyib.

Onun sözlərinə görə, elektron sənəd dövriyyəsi Mərkləzin yeni layihələrində biri olan “Azdoc” proqram təminatı vasitəsi ilə həyata keçiriləcək: "Azərbaycanlı mütəxəssislərin hazırdığı bu yerli məhsul “Kargüzarlığın aparılması haqqında təlimat”a uyğun şəkildə ərsəyə gətirilib və "Elektron imza"ya inteqrasiya edilib. “Samsung” MHM üçün xüsusi platforma hazırlayacaq və biz ondan istifadə etməklə planşet və digər cihazlarda məsafədən idarəetmə, elektron sənədə USB giriş və çıxışlarının bağlanması, sənəd itdikdə onun “GSM location”la tapılması kimi funksiyalardan istifadə edə biləcəyik. Bütün bunlar isə sənədin istənilən yerdə əlçatanlığını və təhlükəsizliyini təmin edəcək”.