Saçlarınızın tökülməsini istəmirsinizsə.. - Şəkər, spirt və kofeindən uzaq durun

Saçlar qadınlar və kişilər üçün çox əhəmiyyətlidir.

Saç tökülməsi ən arzu olmaz problemlərdən biridir. Bəzi şəxslər saçların töküldüyü zaman depresiyaya belə düşürlər.

AzNews.az saç tökülməsinin qarşısını alan qidaları təqdim edir:

Təbii qidalar- Təbii qidalar vacibdir, çünki kimyəvi tərkibi yoxdur. Kimyəvi maddələr, saç böyüməsinə müdaxilə edən endokrin pozucular kimi davrana bilir.

Balqabaq tumu- Balqabaq tumu sink baxımından zəngindir. Bu da saç sağlamlığı üçün əhəmiyyətlidir. Araşdırmalar, sink çatışmazlığının hipotiroidizm və saç tökülməsi ilə nəticələndiyini göstərir.

Təzə balıq- Təzə və təbii olaraq ovlanan balıqlar omeqa 3 yağları baxımından çox zəngindir. Omeqa 3 yağları iltihabının qarşısını alarkən, saç böyüməsinə və qalınlaşmasına kömək edir

Toxumlar- Chia, kətan toxumları saç böyüməsinə kömək ola biləcək lif və sağlam yağlar baxımından zəngindir.

Saç tökülməsinin qarşısını alan yağlar

- Hind sünbülü yağı saç uzanmasını sürətləndirmək və ağarmasını yavaşlatmaq üçün istifadə edilir. 2011-ci ildə aparılan bir araşdırmada bu yağın saçın uzanmağına təsir etdiyi görülüb.

Saçlarınızın tökülməsinin qarşısını almaq istəyirsinizsə şəkər, spirt və kofeindən uzaq durmağınız tövsiyyə olunur.