Rusiyanın çevriliş hazırlaması xəbərinə Paşinyanın cavabı

Təhlükəsizlik xidməti Ermənistanda vaqnerçilərin olması ilə bağlı xəbərləri yoxlayır. 

Ens.az Axar.az-a istinadən xəbər verir ki, bunu parlamentdə Baş nazir Nikol Paşinyan Rusiyanın Ermənistanda dövlət çevrilişi hazırlaması ilə bağlı yayılan xəbərləri şərh edərkən bildirib.

Paşinyan bildirib ki, Ermənistan hüquq-mühafizə orqanları mətbuatda yer alan xəbərlərə reaksiya verməyə borcludur:

"Bildiyimə görə, belə bir məlumat Teleqram kanalları vasitəsilə yayılıb, Milli Təhlükəsizlik Xidməti yayılan məlumatları yoxlayır".

Paşinyan Rusiyanın Ermənistanda inqilab təşkil edə biləcəyindən narahat olub-olmadığı barədə ona ünvanlanan sualı isə belə cavablandırıb:

"Ermənistanda inqilabı yalnız onun xalqı edə bilər və onlar artıq bu inqilabı həyata keçiriblər".

Qeyd edək ki, “Baqramyan-26” Teleqram kanalında Kremlin Ermənistanda dövlət çevrilişi hazırlaması ilə bağlı xəbər dərc olunub. Məlumata görə, Priqojinin ölümü zamanı Ermənistanda 3000-ə yaxın “Vaqner” döyüşçüsü olub.