Qərb narahatdır ki, Rusiya niyə səfərbərlik etmir...

Rusiyanın Ukraynadakı hərbi əməliyyatlar zonasında görünən bütün gərginliklərə baxmayaraq, ölkədə ikinci səfərbərlik dalğası olmayacaq.

Bunu Axar.az-a müsahibəsində tanınmış rusiyalı politoloq, hərbi ekspert Yevgeni Mixaylov deyib.

Onun sözlərinə görə, bu, təkcə onun şəxsi fikri deyil:

“Bunu Rusiya Müdafiə Nazirliyinin bütün rəsmiləri bildirib və Prezidentin katibi Peskov məlumatı təsdiqləyib. Üstəlik, Almaniyanın “Ekspress” qəzeti Ukraynadakı vəziyyətlə bağlı analitik nəşrində Rusiyanın ikinci səfərbərlik dalğası keçirmək planları barədə təsdiqləyici məlumatın tam olmamasından narahatlığını bildirib. Qərb ekspertlərinin əsas qənaəti olduqca diqqətəlayiqdir. Moskva ikinci səfərbərlik dalğasına hazırlaşmırsa, Kiyev və onun müttəfiqləri ilk növbədə bundan narahat olmalıdırlar. Bu o deməkdir ki, Moskva mövcud qüvvələrlə cəbhədəki vəziyyətin öhdəsindən gələ bilər və heç qorxmur. Qərb sosial şəbəkələrdə səfərbərlik xəbərləri ilə bağlı narahatlığı dağıtsa da, prinsipcə, səfərbərliyin ikinci dalğasına ən azı nominal hazırlığı təsdiqləyən obyektiv məlumat yoxdur”.