Qəbiristanlığın ərazisi məişət tullantılarından təmizlənib
Ekologiya və Təbii Sərvətlər Nazirliyinin rəsmi internet səhifəsinin “Eko-Radar” bölməsinə Suraxanı rayonu, Əmircan qəsəbəsi qəbiristanlığının ərazisində məişət tullantılarının atılaraq qalaqlanması ilə bağlı daxil olan şikayəti Dövlət Ekoloji Təhlükəsizlik Xidmətinin əməkdaşları araşdırıb.
Ens.az Report.Az-a istinadən xəbər verir ki, xidmətin rəis müavini Ramal Bağırov əraziyə baxış zamanı faktın öz təsdiqini tapdığını deyib.
O bildirib ki, xidmət əməkdaşlarının nəzarəti altında ərazi Suraxanı rayon Mənzil Kommunal Təsərrüfat Birliyinin işçiləri tərəfindən tullantılardan təmizlənib: "Gələcəkdə belə hallara yol verilməməsi və tullantıların qanunvericiliyə uyğun idarə olunması məqsədilə Suraxanı rayon MKTB-yə məcburi göstəriş verilib".
Şərhlər
Şərhləri göstər Şərhləri gizlət