Putin Azərbaycanla Ermənistan arasında demarkasiya və delimitasiya proseslərinin başlamasına toxundu

Putin Azərbaycanla Ermənistan arasında demarkasiya və delimitasiya proseslərinin başlamasına toxundu

"Azərbaycanla Ermənistan arasında sərhədlərin demarkasiya və delimitasiya proseslərinin başlamasını qeyd etmək çox xoşdur".

Oxu.Az-ın "Sputnik"ə istinadla verdiyi məlumata görə, bunu Rusiya Prezidenti Vladimir Putin Kazan şəhərində keçirilən XVI BRICS Sammitinin "Outreach"/"BRICS+" formatının ilk plenar iclasında çıxışında bildirib.

"Bu, sülh müqaviləsinə doğru gedən düzgün yoldur və bu gün Azərbaycan Prezidenti ilə fikir mübadiləsi apara bilməyiniz faktı tədbirimizin xeyrinədir", - deyə o bildirib.

Rusiya lideri, həmçinin, Ermənistanın Azərbaycan və regionun digər ölkələri ilə əməkdaşlığa müsbət münasibətinin Moskva üçün vacib olduğunu qeyd edib.