Prorektordan təqaüdlə bağlı ən çox verilən suala cavab: “Bu tələbələr almayacaq”

“Ödənişli ya dövlət sifarişi əsasında  oxuyan tələbələrin təqaüd alması, onların  ümumi ortalama müvəffəqiyyət göstəricilərindən asılıdır”. 

Bu sözləri AzEdu.az-a açıqlamasında Azərbaycan Dövlət Pedaqoji Universitetin  İqtisadi və İnzibati İşlər üzrə prorektoru  Ümid Mehdiyev bildirib. 

O deyir ki, dövlət sifarişli, yaxud ödənişli əsaslarla oxumasından oxumasından asılı olmayaraq, ümumi ortalama balı yüksək olan tələbə təqaüd alır: 

“Ödənişli ya dövlət sifarişi əsasında  oxuyan tələbələrin təqaüd alması, onların  ümumi ortalama müvəffəqiyyət göstəricilərindən asılıdır. 

Biz plan yerinə uyğun olaraq, Təhsil Nazirliyinə sifariş göndəririk. Məsələn, bir qrupda 30  tələbə  oxuyur, lakin oradakı təqaüd yerinin sayı ondur. Bu zaman   göstəricisi ən yüksək olan 10 nəfərin  adı təqaüd alacaq siyahıya daxil olunur və  Təhsil Nazirliyinə göndərilir. 

Təhsil Nazirliyi də həmin sifariş əsasında Maliyyə Nazirliyinə sorğu göndərir, dövlət büdcəsindən də bunun əsasında pul ayrılır. 

Təkrar edirəm, ödənişli ya, ya,  dövlət hesabına oxumasından  asılı olmayaraq,  əsas meyar kimi  tələbələrin ümumi orta müvəffəqiyyət göstəricisi götürülür.  

Bir nümunəyə də diqqət edək: tutaq ki, 10 tələbənin oxuduğu qrupda, 5 təqaüd yeri ayrılıb. Amma orada yalnız 3-4 nəfərin ümumi orta balı təqaüd göstəricilərinə uyğun gəlir. Şərtlərə cavab verməyən  digər 2 tələbə  isə təqaüd ala bilməyəcək. Demək, 5 nəfərlik plan yeri də tam dolmaya bilər. 

Prorektor əslində, tələbə kəsiminə məlum olsa da, ictimaiyyətdə hələ də qaranlıq qalan bir detalı da xatırladıb: 

“Bəzən,  dövlət sifarişi əsasında oxuyan  tələbənin kəsiri olur və o, təqaüd ala bilmir. Amma ödənişli əsasla oxuyan tələbənin ümumi orta balı yüksək olduğu üçün o təqaüd ala bilir”.