Nə yeyim ki, arıqlayım? İdeal məhsul tapıldı
Kopenqaqen Universiteti (Danimarka) alimləri bir çox insanları maraqlandıran bu suala cavab tapıblar.
Danimarka diyetoloqları araşdırma zamanı aşkar ediblər ki, zülali qidalar arıqlamaq üçün ən ideal variantdır. Belə məhsullar insanı uzun müddət ərzində tox saxlayr ki, bu da arıqlamağa kömək edir.
Saglamolun.az xarici KİV-lərə stinadla xəbər verir ki, araşdırmada 50 insan iştirak edib. Bu insanların yarısı bir müddət zülal və qidalı liflərlə zəngin olan qidaları, yarısı isə yalnız zülalı qidaları istehlak edirdi.
1 həftədən sonra məlum olub ki, hər iki qrupda olan insanların çəkisi azalıb. Lakin birinci qrupda olan insanların (zülal + qidalı liflər) nəticələri daha yaxşı idi və onlar aclıqdan daha az əziyyət çəkidir.
Beləliklə, məlum olub ki, zülal və qidalı liflərlə zəngin olan məhsullar arıqlamağa çalışan insanlar üçün ən ideal variantdır.
Alimlərin fikrinə görə, artıq çəkidən xilas olmağa çalışan insanlar paxlalılara (noxud, lobya, mərci, soya və s.) xüsusi fikir verməlidir ki, bu məhsullar həm zülallar, həm də qidalı liflərlə zəngindir.
Şərhlər
Şərhləri göstər Şərhləri gizlət