Həmin nümunənin 2023-ci ilədək Yer kürəsinə çatdırılması nəzərdə tutulur
NASA Bennu asteroidi ətrafına “OSİRİS-Rex (Origins Spectral İnterpretation Resource İdentification Security – Regolith Explorer) tədqiqat peyki çıxarıb. Avtosfer.az “Report”a istinadən xəbər verir ki, asteroidin diametri 500 metrdir. Bəzi hesablamalara görə, Bennu 2182-ci ildə Yer kürəsinə təhlükəli dərəcədə yaxınlaşacaq. Ona görə də 2016-cu ildə bu asteroidi tədqiq etmək məqsədilə adıçəkilən peyk fəzaya buraxılmışdı. İlkin mərhələdə asteroiddən orta hesabla 7 kilometr məsafədə 50 saat ərzində dövrə vuraraq cismin kütləsi və hərəkəti barədə məlumat toplayacaq peyk 2020-ci ilin ortalarında asteroidin üzərinə enərək torpaq nümunəsi götürəcək. Həmin nümunənin 2023-ci ilədək Yer kürəsinə çatdırılması nəzərdə tutulur.
Mənbə: Avtosfer.az
Şərhlər
Şərhləri göstər Şərhləri gizlət