Müraciətə ehtiyac yoxdur, bunlar elektron qaydada təyin olunur

Əmək və Əhalinin Sosial Müdafiəsi Nazirliyi tərəfindən 2019-cu ildə 21 sosial təminat növü üzrə təyinatın elektronlaşdırılması təmin edilib.

"Qafqazinfo" xəbər verir ki, onlar aşağıdakılardır:

1. Yaşa görə əmək pensiyası;

2. Əlilliyə görə əmək pensiyası;

3. Uşağın doğulmasına görə birdəfəlik müavinət;

4. Sağlamlıq imkanları məhdud uşağa aylıq müavinət;

5. Sağlamlıq imkanları məhdud 18 yaşadək uşağa qulluğa görə Prezidentin aylıq təqaüdü;

6. Əlilliyə görə aylıq müavinət;

7. Müharibə əlillərinə Prezidentin aylıq təqaüdü;

8. 20 Yanvar əlillərinə Prezidentin aylıq təqaüdü;

9. I dərəcə əlilliyə görə müavinət hüququ olanlara Prezidentin aylıq təqaüdü;

10. I dərəcə əlilliyə görə pensiya hüququ olan şəxslərə Prezidentin aylıq təqaüdü;

11. Bir yaşınadək uşağı olan aztəminatlı ailələrə (ünvanlı sosial yardımı almaq hüququ olan) aylıq müavinət;

12. Müharibə əlillərinin uşaqlarına aylıq müavinət;

13. 20 Yanvar əlillərinin uşaqlarına aylıq müavinət;

14. Çernobıl qəzası ilə əlaqədar I və II dərəcə əlilliyi müəyyən edilmiş şəxslərin uşaqlarına aylıq müavinət;

15. Fəxri adlara görə Prezidentin aylıq təqaüdü;

16. Prezidentin fərdi təqaüdü;

17. Şəhidin uşaqlarına aylıq müavinət;

18. Şəhid ailəsi üzvlərinə aylıq müavinət;

19. Müddətli həqiqi hərbi xidmət qulluqçularının uşaqlarına aylıq müavinət;

20. Şəhid ailəsi üçün Prezidentin təqaüdü;

21. Yaşa görə müavinət.

Bu sosial təminat növlərinin elektronlaşdırılması il ərzində pensiya, müavinət və təqaüdlər üzrə 200 minədək təyinatın elektron şəkildə, proaktiv qaydada, yəni vətəndaşların hər hansı bir ünvana getmələrinə və sənəd təqdim etmələrinə ehtiyac olmadan həyata keçirilməsinə imkan verir.