Moldovada Prezident üsul-idarəsi ləğv oluna bilər
"Moldovada tamamilə parlament idarəçiliyinə keçib Prezident üsul-idarəsini ləğv etmək məsələsi müzakirə edilməlidir".
“Report” RİA "Novosti”yə istinadən xəbər verir ki, bunu əvvəllər dövlət başçısının səlahiyyətlərini bir neçə dəfə icra etmiş parlament sədri Andrian Kandu bildirib.
O, “Moldova-1” televiziyasının efirində deyib: “Ola bilsin, parlament Prezidentin səlahiyyətlərini daha da məhdudlaşdırmağa səs verəcək. Bəlkə də bütövlüklə ölkənin parlament idarəçiliyinə keçməsi üçün Konstitusiya islahatı keçirilməlidir”.
Spiker Prezident üsul-idarəsini ləğv etməklə dövlətin xeyli vəsaitə qənaət edəcəyini dilə gətirib.
A.Kandu hazırda ölkədə əsas söz sahibinin prezident yox, baş nazir olduğunu xatırladıb.
Şərhlər
Şərhləri göstər Şərhləri gizlət