MKİ direktoru ABŞ Konqresinin rəhbərlərinə Ukraynadakı ağır vəziyyətdən danışıb

ABŞ Mərkəzi Kəşfiyyat İdarəsinin (MKİ) direktoru Uilyam Börns Konqresin hər iki palatasının liderlərinə ABŞ prezidenti Co Baydenlə qanunvericilər arasında keçirilən görüşdə Ukraynadakı çətin vəziyyət, o cümlədən Kiyevə gələcək dəstək barədə danışıb.

Ens.az Bizimyol.info-a istinadən xəbər verir ki, bunu Ağ Evin mətbuat katibi Karine Jan-Pyer jurnalistlər üçün keçirdiyi növbəti brifinqdə deyib.

“Hər dörd lider Ukraynadakı vəziyyətin ciddiliyini başa düşdü. Məsələ burasındadır ki, onlar Ukraynanın döyüş meydanında yer itirməsi ilə bağlı onlarla birlikdə olan MKİ direktorunun birbaşa hesabatını eşitmişlər”, - deyən mətbuat katibi bildirib ki, o, bir daha bu vəziyyətə görə "Konqresi hərəkətsizlikdə" günahlandırıb.

Börns deputatlara bildirib ki, Kiyevə maliyyənin ayrılması ilə bağlı bundan sonra da gecikmək ağır nəticələrə gətirib çıxaracaq.

"Böyük Dördlük nəticələrin nə qədər dəhşətli olduğunu birbaşa MKİ direktorundan eşitdi", - deyə Ağ Evin mətbuat katibi bildirib. “Biz gördük ki, Ukrayna döyüş meydanında ərazi itirir, ona görə də hərəkətə keçməliyik. Biz əlavə maliyyələşmə ilə bağlı irəliləyiş görməliyik. Prezidentin istəyi də budur”, - deyə o əlavə edib.

Amerika administrasiyası daha əvvəl Konqresə oktyabrın 1-də ABŞ-da başlayan 2024-cü maliyyə ilində ilk növbədə İsrail və Ukraynaya yardım etmək, habelə Asiya-Sakit okean regionunda Çin və Rusiyaya qarşı çıxmaq üçün əlavə büdcə ayırmaları üçün sorğu göndərmişdi. Ümumilikdə Baydenin rəhbərlik hökumət bu məqsədlər üçün təxminən 106 milyard dollar almaq istəyir.

Müraciətin və alternativ qanun layihələrinin sonrakı taleyi qeyri-müəyyən olaraq qalır. Nümayəndələr Palatasında və Senatda olan bir neçə respublikaçı son aylarda Kiyevə maliyyə dəstəyinin davam etdirilməsinin əleyhinə çıxış ediblər. Aşağı palata spikeri ardıcıl olaraq Ukraynaya gələcək yardımı ABŞ-ın cənub sərhədində nəzarətin gücləndirilməsi ilə əlaqələndirmək niyyəti barədə xəbərdarlıq edib.

Fevralın 13-də Senat bəzi respublikaçıların dəstəyi ilə Ukrayna, İsrail və Tayvana 95 milyard dollar yardım ayrılmasını nəzərdə tutan qanun layihəsinin alternativ variantını qəbul edib. Lakin bu paket sənəddə cənub sərhədində nəzarətin gücləndirilməsi ilə bağlı müddəalar yoxdur. Fevralın 15-də Nümayəndələr Palatası qanun layihəsinə səs vermədən iki həftəlik fasilə verdi.