Metro bağlandı, bu dəfə də marşrutlarda sıxlıq yarandı

Metro bağlandı, bu dəfə də marşrutlarda sıxlıq yarandı

Operativ Qərargahın qəbul etdiyi qərara əsasən, ötən gün 22:00-dan Bakı Metropoliteni aprelin 20-dək fəaliyyətini dayandırıb.

Axar.az xəbər verir ki, bu, bu gün səhər saatlarında marşrutlarda sıxlığın yaranmasına səbəb olub. Bununla bağlı sosial şəbəkədə fotolar da paylaşılıb.

Fotoların "Neftçilər" metrostansiyası ərazisində çəkildiyi qeyd edilib.

Qeyd edək ki, koronavirusun yayılmasının qarşısını almaq üçün karantin rejimi sərtləşdirilsə də, bəzi iş yerlərində fəaliyyətin dayanmaması səhər saatlarında sıxlığa gətirib çıxarır.