Macarıstanın xarici işlər naziri: "Yalnız Türkiyə sülhü təmin edə bilər"

"Türkiyə Rusiya ilə Ukrayna arasında sülhü təmin edə biləcək yeganə ölkədir".

Ens.az Bizimyol.info-a istinadən xəbər verir ki,bunu Antalya Diplomatik Forumu üçün Türkiyəyə gələn Macarıstanın xarici işlər naziri Peter Szijjarto "CNN TÜRK"ün suallarını cavablandırarkən deyib.

"Macarıstan Türkiyənin Avropa Birliyinə üzvlüyünə ən böyük dəstək verən ölkədir. Macarıstanda ilk növbədə prezident Ərdoğana və hökumətinə böyük hörmət var. Xüsusilə hökumət Ukrayna müharibəsini dayandırmaq üçün ilk və təəssüf ki, yeganə uğurlu səy göstərdiyinə görə. Bildiyiniz kimi, taxıl sazişi bir müddət həyata keçirilə bildi. Bunun səbəbi prezidentiniz Ərdoğanın və hökumətinizin səyləri idi. Bu, münaqişə ərzində baş tutan ilk və yeganə uğurlu cəhd idi", - deyə nazir bildirib.

O qeyd edib ki, Macarıstan olaraq biz müharibəyə bitişik bir nöqtədəyik və onun bitməsini istəyirik. "Hər hansı bir ölkə vasitəçilik edib müharibənin hər iki tərəfini eyni masaya yığıb atəşkəs və sülh yarada biləcəksə, bu Türkiyə ola bilər", - deyib.

Nazir Szijjarto Avropa İttifaqı ilə Türkiyə arasında əməkdaşlıq məsələsinə toxunub. XİN rəhbərinin sözlərinə görə, Türkiyə Aİ-nin əsas iqtisadiyyatlarında iştirak edəcək: “Türkiyənin Avropa İttifaqının iqtisadi rəqabət qabiliyyətinin və təhlükəsizliyinin artırılmasında böyük rolu var. Çünki Türkiyə tezliklə dünyanın 10 ən böyük iqtisadiyyatından biri olacaq”, - deyə nazir bildirib.

Szijjartonun vurğuladığı məsələlərdən biri də immiqrasiya problemi olub. Macarıstanlı nazir bildirib ki, Türkiyənin parlamentdəki yeri Avropa Parlamentinə seçkilərdən sonra güclənəcək. Nazir: “Türkiyə bu qədər məsuliyyətli davranmasaydı, AB daha böyük qeyri-qanuni immiqrasiya problemi ilə üzləşəcəkdi. Hamımız bilirik ki, bu, Aİ tərəfindən heç bir tədbir görülməyən bir problemdir. Çünki Brüsselin bu məsələdə çox məntiqsiz mövqeyi var. Ona görə də Türkiyə ilə iqtisadiyyat və təhlükəsizlik sahəsində daha sıx əməkdaşlıq Aİ-yə böyük fayda verə bilər. Seçkilərdən sonra vətənpərvər, mühafizəkar və sağçı partiyalar Aİ Parlamentində daha çox yerə sahib olacaq və bizim bu məsələlərə daha çox təsirimiz olacaq”, - deyə nazir qeyd edib.