Koronavirus qurbanları arasında ümumi nələr var
Dəhşətli xəstəliyə səbəb olan koronavirusun yeni ştammı olan COVID-19, insanların həyatına qıymağa davam edir. Mütəxəssislər onu öyrənməyə və vaksin hazırlamağa davam edirlər, lakin bu günə qədər infeksiya bir addım qabaqdadır. Tədqiqatçılar, bu yaxınlarda COVID-19 qurbanları üçün ümumi olam bir şey tapıblar.
İtalyan mütəxəssislər koronavirusdan ölənlərin demək olar ki, hamısının müəyyən sağlamlıq problemləri olduğunu söyləyir.
İtaliyadakı epidemiya zamanı dünyasını dəyişən 3000-ə yaxın insandan yalnız üçünün səhhətində problem olmayıb. Mütəxəssislərin fikrincə, ölənlərin 50% -də ən azı üç patologiya olub və ölənlərin dörddə biri bir və ya iki xəstəlikdən əziyyət çəkib.
Ens.az bildirir ki, mütəxəssislər vəfat edənlərdə şəkərli diabet, tənəffüs sisteminin patologiyaları, yüksək təzyiq və ürək xəstəlikləri aşkar ediblər. İtaliyada virus qurbanlarının orta yaşı 79-dur. Bu ölkıdə indiyədək 3000-ə yaxın insan koronavirusun qurbanı olub, sağalmış xəstələrin sayı isə 4000-ə çatıb.
Təəssüf ki, bütün ölkələrdə insanların hamısı koronavirus təhlükəsini obyektiv qiymətləndirmir. Çoxları hələ də kütləvi yerlərə gedir, küçələrdə maskasız gəzirlər. Bununla birlikdə, Çin mütəxəssisləri profilaktika qaydalarına riayət etməyi tövsiyə edirlər: evdən çıxmamaq üçün digər insanlarla təmasları minimuma endirmək və harayasa gedərkən maska taxmaq.
Mənbə: www.menslife.com
Şərhlər
Şərhləri göstər Şərhləri gizlət