"Keşlə" Venesuela yığmasının futbolçusunu transfer edib
"Keşlə" klubu heyətinə yeni futbolçu cəlb edib.
Bu barədə "Report"a komandanın baş məşqçisi Tərlan Əhmədov məlumat verib. O, bildirib ki, Venesuela yığmasının futbolçusu Luis Penya müqavilə bağlamaq üçün Bakıya gəlib: "Bu futbolçu bizdə baxışda olmayıb, lakin oyununu izləyib, bəyənmişik. Pleymeyker mövqeyində çıxış edir. Onunla bir illik müqavilə bağlayacağıq".
Qeyd edək ki, 30 yaşlı Luis Anxelo Penya Puentosin son klubu vətənində "Mineros Quayana" olub. O, daha əvvəl Venesuelanın "Estudiantes", "Karakas", "Deportivo Taçira", "Samora", Portuqaliyanın "Braqa", "Portimonensi" və Braziliyanın "Nautiko" komandalarının formasını geyinib.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət