Kayen istiotunun inanılmaz faydaları

Kayen istiotunun istənilən şirin olmayan təama əlavə edilməsi onu inanılmaz dərəcədə dadlı edir.

“Qafqazinfo”nun “MedikForum”a istinadən məlumatına görə, kayen istiotu acı inqrediyent olmaqla yanaşı, həm də sağlamlığı dəstəkləyən üstünlükərə malikdir. O, qan dövranını, ürək fəaliyyətini, həzm prosesini yaxşılaşdırır və immun sisteminə müsbəst təsir göstərir. Kayen istiotunun tərkibində maqnium, kalium kimi minerallar və A, B6, C, E, K vitaminləri var.

Doktor Riçard Şultsenin sözlərinə görə, kayen istiotu sizin qanınızı təmizləməyə kömək edir. Bu isə immun cavabının yaxşılaşmasına gətirib çıxarır. Acı istiot, həmçinin, müxtəlif xəstəliklərlə mübarizə aparmağa kömək edən faydalı fitonutriyentlərin yaxşı mənbəyidir. Kayen istiotu iltihab, göbələk və mikrob əleyhinə xüsusiyyətlərə malikdir.

Bu məhsul qan dövranını yaxşılaşdırmaqla qida maddələrinin bədəndəki bütün hüceyrələrə çatdırılmasını təmin edir. Kayen istiotu sehrli yolla sizi çəki itirməyə məcbur etməsə də, tədqiqatlar göstərir ki, o, sizin metabolizm və kalori yandırmanızı yüksəldir. Bu, onun tərkibindəki kapsaitsin maddəsinin sayəsində mümkün olur. Bu maddə enerji sərfiyyatını artırır, toxluq hissini artırır. Bunlar isə çəki atmağa kömək olur.