İsrail ordusu HƏMAS-ın atəşkəsdən istifadə edəcəyindən ehtiyat edir

İsrail ordusu HƏMAS-ın atəşkəsdən istifadə edəcəyindən ehtiyat edir

Fələstinin radikal HƏMAS hərəkatı atəşkəsdən sursatları artırmaq və qüvvələri yenidən qruplaşdırmaq üçün istifadə edə bilər.

Redaktor.az TASS-a istinadən xəbər verir ki, bu qorxunu Amerikanın CNN telekanalına müsahibəsində İsrail Müdafiə Qüvvələrinin (IDF) ehtiyatda olan sözçüsü Conatan Konrikus bildirib.

"Qorxuram ki, HƏMAS atəşkəsdən yenidən qruplaşmaq və silah tədarük etmək üçün istifadə edə bilər. Təbii ki, biz onlara təzyiq göstərməyə davam etməyə üstünlük verərdik, lakin bu fasilə son dərəcə vacib məqsədlər üçündür".

Bununla belə, Konrikus əlavə edib: "İsrail hökuməti bizə dayanmaq əmrini verənə qədər biz HƏMAS-la mübarizəni davam etdirəcəyik. Bununla belə, biz də ayıq-sayıq qalacağıq".