İranda nazir koronavirus şübhəsilə xəstəxanaya yerləşdirilib

İranda nazir koronavirus şübhəsilə xəstəxanaya yerləşdirilib

İranın sənaye, mədən və ticarət naziri Rza Rəhmani yeni koronavirus şübhəsilə xəstəxanaya yerləşdirilib.  

APA-nın Tehran bürosunun məlumatına görə, o, Tehranda xəstəxanaların birində müalicə alır. 

Xatırladaq ki, İranda koronavirusa yoluxanların sayı 2336 nəfərdir. Bunların arasında 23 nəfər deputat da var. İranın Təcili Tibbi Yardım Mərkəzinin rəisi Pirhüseyn Kulivənd də koronavirusa yoluxub. Virusdan həyatını itirənlərin sayı 77, sağalanların sayı isə 436 nəfər təşkil edir. Həmçinin ötən gün Ali Məhkəmənin sədrinin müşaviri koronavirusdan dünyasını dəyişib. Epidemiyanın qarşıaını almaq üçün 54 min məhbus evə buraxılıb.