Hadı Rəcəbli əlinə bel alıb fəhləliyə başladı

Namizədliyi 74 saylı Lənkəran kənd seçki dairəsindən irəli sürülən Hadı Rəcəblinin təbliğat-təşviqat kampaniyasının asan keçmədiyi, seçicilərin nümayişkaranə şəkildə ona etimadsızlıq göstərmələri haqda məlumatlar daxil olur.

Hadı Rəcəblinin hətta böyüyüb boya-başa çatdığı Lənkəran rayonunun Viravul kəndinindən belə səs alacağı şübhəli görünür. Xatırladaq ki, Viravul kənd yollarının acınacaqlı durumu və Hadı Rəcəblinin deputatlığı dövründə bununla bir dəfə də olsun maraqlanmaması haqda Sfera.az-da dərc olunan yazıdan sonra həm yolların təmirinə başlanılıb, həm də....

Həm də maraqlıdır ki, adıçəkilən kənd yollarının Lənkəran rayon İcra Hakimiyyətinin təşəbbüsü ilə təmir edilməsinə baxmayaraq Hadı Rəcəbli bu işi öz adına yazmaqla itirmiş olduğu nüfuzunu bərpa etməyə çalışır.

Sfera.az-ın əldə etdiyi fotolardan da göründüyü kimi Hadı Rəcəbli əlinə bel, külüng alaraq icra hakimiyyətinin gördüyü işlərdən özünün təbliğatı üçün istifadə etməyə uğursuz cəhd göstərib.

Fotoları diqqətinizə təqdim etməklə qarşı tərəfin mövqeyini də dərc etməyə hazır olduğumuzu bildiririk.